Бөгөнгә аграрийҙар баҫыуҙарҙың 82 процентында урып-һуғыу эштәрен теүәлләгән. Илеш районы иң беренселәрҙән булып ураҡ эштәрен тамамланы. Әлшәй, Дәүләкән, Туймазы, Миәкә, Борай, Стәрлебаш хужалыҡтарында уңыш һуңғы гектарҙарҙа урып йыйыла. Борай районы хакимиәте башлығы урынбаҫары Ильвер Нурмөхәмәтов һөйләй.
Благовещенда ла ураҡ тамамланыу алдында. Әлегә баҫыуҙарҙың 96 процентында урып-йыйыу эштәре теүәлләнгән. Район хакимиәтенең ауыл хужалығы идаралығы белгесе Лидия Имаметдинова.
Башҡортостанда 41 районда ҡоролоҡҡа бәйле ғәҙәттән тыш хәл режимы иғлан ителгән, 624 хужалыҡ зыян күргән, 332 мең гектарҙа уңыш юҡҡа сыҡҡан.
