Бөгөн Токиола Паралимпия уйындары башлана. Рәсәй йыйылма командаһы Паралимпиадала 19 төрҙә сығыш яһай. Милли команда данын Башҡортостандан 14 спортсы яҡлай. Улар фехтование, өҫтәл теннисы, йөҙөү һәм еңел атлетикала миҙалдар өсөн көрәшергә иҫәп тота. Спорт байрамын асыу тантанаһында республика спортсыһы Елена Паутова Паралимпиада байрағын тотоп барасаҡ. Күпселек яҡташтарыбыҙ йөҙөү төрөндә сығыш яһарға йыйына. Шуларҙың береһе Илнур Ғарипов:
