Бөгөн баш ҡалала "Йәш һөнәрмәндәр" милли чемпионаты башлана. Унда 1800 студент һәм урта белем биреү учреждениеларында уҡып сыҡҡан йәш белгестәр ҡатнаша. Республика Иҡтисади үҫеш министры Рөстәм Моратов әйтеүенсә, чемпионаттан һуң беҙҙең төбәктә йөҙҙән ашыу эш урыны һәм яңы предприятиелар булдырыла.
Өфөгә “Йәш һөнәрмәндәр” милли чемпионатының финал ярыштары өсөн 5 мең берәмектән ашыу ҡорамалдар килтерелде. Уларҙы доньяның иң яҡшы етештереүселәре сығарған. Ярыштар тамамланғас улар республика уҡыу йорттары базаларына ҡалдырыла, әммә был ваҡиғаның төп маҡсаты түгел,-тип белдерҙе Радий Хәбиров.
"Йәш һөнәрмәндәр" милли чемпионатын асыу тантанаһы бөгөн кис "Торатау" конгресс-холы амфитеатрында уҙа. Программала дрондар шоуы, эстрада йырсыһы Егор Кридтың сығышы һәм салют була.
