Республика парламенты Өфө районында мәктәп һәм балалар баҡсаһын файҙаланыуға тапшырыуҙы контролгә алды. Дәүләт Йыйылышы-Ҡоролтай рәйесе Константин Толкачев белдереүенсә, халыҡ тулыһынса әҙер балалар баҡсаһына ҡабул итмәүҙәренә зарлана. Мәктәп тә әле асылмаған. Был объекттар Миловка, Дмитриевка, Михайловка һәм Затонда йәшәүселәр өсөн кәрәк. Мәктәп һәм балалар баҡсаһында канализация мәсьәләһе хәл ителмәүе асыҡланды. Константин Толкачев белдереүенсә, был проблема парламент ҡарауында була, тиҙҙән хәл ителергә тейеш.
