Башҡортостандың 140 меңдән ашыу гражданы вахта ысулы менән эшләп йөрөй. Был турала Республика башлығы Радий Хәбиров "Йәш һөнәрмәндәр" милли чемпионаты финалында белдерҙе. Уның әйтеүенсә, әле власть алдындағы ҙур маҡсат - Башҡортостанда лайыҡлы эш хаҡы түләнгән хеҙмәт урындары булдырыу. Өфөлә был көндәрҙә "Йәш һөнәрмәндәр" милли чемпионаты финалы бара. Унда илдең төрлө төбәктәренән 1 мең 800-ҙән ашыу кеше ҡатнаша.
