“Төп маҡсатыбыҙ – мал ауырыуҙарына юл ҡуймау, һөт һәм ит продукцияһының сифатлы һәм хәүефһеҙ булыуын тәьмин итеү. Шулай тип белдерҙе Башҡортостан Ветеринария идаралығы етәксеһе Азат Йыһаншин. Ул бөгөн билдәләнгән һөнәри байрам уңайынан беҙҙең радиоға интервью бирҙе.
“Республиканың һәр районында ветеринар станциялар һаҡланып ҡалды. Һуңғы йылдарҙа ветеринар һөнәрен һайлаған йәштәр арта”, - ти Азат Йыһаншин.
Ветеринар һөнәренең абруйын арттырыу маҡсатында республикала һөнәри оҫталыҡ конкурстары ойошторола.
