11 сентябрҙә Башҡортостан “Йәшел Рәсәй” тип аталған федераль экологик өмәгә ҡушыла. Әммә беҙҙә саралар бер ни тиклем һуңғараҡ ойошторола. Быны ҡоролоҡ менән аңлаталар. Торлаҡ-коммуналь хужалыҡ министрлығынан хәбәр итеүҙәренсә, республикала акция 25 сентябрҙән 5 октябргә тиклем уҙғарыла. Ведомство башлығы вазифаһын башҡарыусы Алан Марзаев белдереүенсә, 155 мең ағас һәм 1 мең ярым ҡыуаҡ ултыртыу планлаштырыла.
Башҡортостан Башлығы Радий Хәбиров Торлаҡ-коммуналь хужалыҡ министрлығына Нефтекама тәжрибәһе менән танышырға ҡушты. Унда хакимиәт ҡаланы йәшелләндереү барышында тематик аллеялар булдырған.
Радий Хәбиров ҡайһы ҡалала, ниндәй биләмәгә ағас ултыртылыуы хаҡында белешмә әҙерләргә ҡушты. Ул аҙна аҙағына әҙер булырға тейеш.
