Һаулыҡ һаҡлау министрлығы мәғлүмәттәре буйынса уҙған тәүлектә хәүефле сирҙе йоҡтороуҙың 303 яңы осрағы теркәлгән. Пандемия башланған көндән алып барлығы 57 мең 353 кеше ауырыған. Стационарҙарҙа 670 пациент уларҙың 65-е ауыр хәлдә. Тын юлдарын яһалма елләтеү ҡоролмаһында 12 кеше.
Уҙған тәүлектә коронавирус йәнә 14 кешенең ғүмерен ҡыйған, һәләк булыусылар һаны 1 мең 130-ға етте.
Вакциналау ҙа туҡтамай. Республикаға 1 миллион 458 мең 168 доза прививка килтерелгән. Вакциналауҙы тулыһынса 1 миллион 5 мең 523 кеше үткән. Һуңғы тәүлектә прививка ҡаҙатыусылар исемлеге 17 мең 890 кешегә артҡан.
