Ғәҙәттән тыш хәлдәр министрлығының Башҡортостан буйынса идаралығынан хәбәр итеүҙәренсә, Йөрәктауҙың төньяҡ-көнсығыш һыртында ҡороған үлән һәм ваҡ ҡыуаҡлыҡтар яна. Утты һүндереүгә 41 кеше, 9 берәмек техника, шул иҫәптән 2 трактор йәлеп ителгән. Өҫтәмә рәүештә эҙлә-ҡотҡарыу отряды килгән. Янғын урынына һыу ташыу ойошторолған. Бында 29 ирекмән дә бар. Запаста 70 ранец тотола. Ирекмәндәрҙең береһе Гүзәл Сәлимйәнова.
Уттың торлаҡ йорттарға таралыу ҡурҡынысы юҡ, хәл контролдә тотола, тип белдерәләр Ғәҙәттән тыш хәлдәр министрлығының республика идаралығынан.
