Беҙҙең арала булһа, уға 71 йәш тулыр ине. Шамил Шәрифйән улы күренекле педагог Миләүшә Мортазинаның уҡыусыһы. Оҙаҡ йылдар Башҡорт дәүләт филармонияһында эшләй. Башҡортостандың халыҡ артистары Лилиә һәм Хәлит Фәтиховтар әйтеүенсә, ул коллективтың таянысы була.
Тормошта ниндәй генә ауырлыҡтар һәм ҡаршылыҡтар булһа ла, ул һөнәренә хыянат итмәне. Кешеләргә күңел йылыһын өләште, йырҙары ярҙамында матурлыҡ, сафлыҡ таратты, ти йырсының ике туған һеңлеһе, республика милли медицина палатаһы етәксеһе Дамира Сабирйәнова.
Шамил Хәмәҙинуровтың йырҙары беҙҙең радионың алтын фондында һаҡлана.
