3 сентябрь Терроризмға ҡаршы көрәштә теләктәшлек көнө. Был датаға бәйле бөгөн Өфөлә түңәрәк өҫтәл ойошторолдо һәм “Хәтер шәме” акцияһы уҙҙы. Башҡортостан халыҡтары ассамблеяһы советы рәйесе Зөһрә Рәхмәтуллина белдереүенсә, экстремизм, терроризм кеүек кире күренештәрҙе бергәләп кенә еңергә мөмкин.
Терроризмға ҡаршы көрәштә теләктәшлек көнө Беслан фажиғәһе иҫтәлегенә бәйле булдырылды. 2004 йылда Төньяҡ Осетияла террорсылар ҡуллынан 333 кеше һәләк булды, шуларҙың 186-һы – бала.
