Уҙған тәүлектә республикала ковидтан 16 кеше вафат булған. Пандемия башланғандан алып, үлем осраҡтары 1 мең 203-кә етте. Әле стационарҙа 769 пациент дауалана, уларҙың күбеһе 60 йәштән өлкәндәр. Һуңғы тәүлектә 300 кешелә коронавирус инфекцияһы асыҡланған. Башҡортостанда халыҡты вакциналау дауам итә. Һуңғы тәүлектә прививка яһатыусылар исемлегенә 3 меңг яҡын кеше өҫтәлгән. Вакцинаның беренсе компоненты 1 миллион 186 меңдән ашыу кешегә эшләнгән. 1 миллион 46 мең кеше иммунизацияны тамамлаған.
