Эксперттар фекеренсә, яңы уҡыу йылы башланыуы һәм һалҡын һауа торошо сәбәпле сирлеләр артыуы көтөлә. Коронавирус таралыуын сикләү өсөн мәктәптәрҙә санитар талаптарға етди иғтибар бирелә. Уҡытыусылар прививка яһата, уҡыусылар көн дауамында бер бүлмәлә генә белем ала, медицина инспекторҙары эшләй. Баҡалы районының Баҡалы ауылының 1-се мәктәбе уҡытыусыһы Рәлиә Шәрипова әйтеүенсә, педагогтарҙың күбеһе коронавирустан прививка эшләткән.
