Республика Хөкүмәтендә оператив кәңәшмәлә Йәштәр сәйәсәте буйынса дәүләт комитеты рәйесе вазифаһын башҡарыусы Яна Гайдук шулай тип белдерҙе. Йәштәр йорто баш ҡала үҙәгендәге тарихи биналарҙың береһендә урынлаша. Республика Башлығы Радий Хәбиров был урында иң әүҙем һәм көслө йәштәр ойошмалары бергә тупланырға тейеш тип белдерҙе. Ултырышта йәштәр сәйәсәте өлкәһендә эшмәкәрлекте йәнләндереү өсөн программа тәҡдим ителде. Яна Гайдук уның төп йүнәлештәре менән таныштырҙы.
Башҡортостанда 14 йәштән 35 йәшкәсә 1 миллиондан ашыу кеше йәшәй. Был күрһәткес буйынса беҙҙең республика Волга буйы федераль округында беренсе урында.
