Уҙған тәүлектә ковидтан 15 кешенең ғүмере өҙөлгән. Пандемия башланғандан алып, үлгәндәр һаны 1 мең 233-кә етте. Әле стационарҙа - 682, өй шарттарында 4 мең 600-гә яҡын ауырыу дауалана. Табиптар белдереүенсә, уларҙың күбеһе 60 йәштән өлкәндәр. Һуңғы тәүлектә 304 кешелә коронавирус инфекцияһы раҫланған. Башҡортостанда халыҡты вакциналау дауам итә. Һуңғы тәүлектә прививка яһатыусылар исемлегенә 15 меңдән ашыу кеше өҫтәлгән. Вакцинаның беренсе компоненты 1 миллион 200 мең самаһы кешегә эшләнгән. 1 миллион 62 мең кеше иммунизацияны тамамлаған.
