Бөгөн Сибайҙа “Урал аръяғы” инвестиция форумы үтә. Уның барышында стратегик һәм фекер алышыу сессиялары, түңәрәк өҫтәлдәр ойошторола. Экология, сәнәғәт, ауыл хужалығы һәм эске туризм темалары буйынса һөйләшеү уҙғарыла. Эшлекле программаға милли аш-һыу конкурсы, “ҠымыҙFEST” фестивале, шулай уҡ милли костюм байрамы ингән. Башҡортостан Башлығы Радий Хәбировтың указы буйынса, 2020 йылдан алып, сентябрҙең икенсе, апрелдең өсөнсө йомаһында милли кейем көнө билдәләнә. Республикала 160-ҡа яҡын милләт йәшәй.
