Сибайҙа “Урал аръяғы” инвестиция һабантуйы башланды. Унда эшҡыуарҙар һәм төрлө өлкә белгестәре ҡатнаша. Эшлекле йыйын барышын хәбәрсебеҙ Бәйтулла Фәтҡуллин күҙәтә.
Евразия халыҡтары ассамблеяһы генераль секретары Андрей Бельянинов “Урал аръяғы” форумын ойоштороусылар һәм унда ҡатнашыусыларға мөрәжәғәт ебәргән. “Башҡортостан – сәнәғәт һәм ауыл хужалығы үҫешкән төбәктәрҙең береһе. Республика милләт-ара татыулыҡты һаҡлау буйынса ҙур тәжрибә туплаған. Унда һәр кем өсөн иҡтисади, сәйәси, социаль-мәҙәни шарттар тыуҙырылған. Һәр халыҡ вәкиленә үҫеш өсөн мөмкинлектәр бар”, - тиелә Андрей Бельяниновтың сәләм хатында.
