Уҙған төндә Кропачев – Мәсәғүт – Ачит автомобиль юлында «Мерседес Бенц» автомобиленә идара иткән 27 йәшлек водитель «МАН» йөк машинаһы менән бәрелешкән. Хәбәр ителеүенсә, еңел автомобиль ауыр транспортҡа юл бирмәгән.
Авария һөҙөмтәһендә «Мерседес»тың 27 йәшлек пассажиры ваҡиға урында һәләк булған, водитель төрлө йәрәхәттәр менән Дыуан үҙәк район дауаханаһына килтерелгән. Осраҡ буйынса тикшереү башланған.
Дөйөм алғанда, республика юлдарында кесе йома көн 7 автоавария теркәлгән, уларҙа бер кеше һәләк булған һәм 9-ы йәрәхәтләнгән. 36 водитель руль артында эскән килеш тотолған.
Гөлдәриә Йосопова
