Өфө районы Зубов ауылында урынлашҡан ковид-госпиталгә көн һайын 50-нән алып 70-кә тиклем сирле ҡабул ителә. Унда асылғандан алып 10 меңдән ашыу кеше дауаланған. Беренсе бүлек етәксеһе Эдуард Бәләғетдинов беҙгә ошо турала белдерҙе.
Әле клиникалағы 470 урындың дүрт йөҙөндә “Covid-19” һәм пневмония ҡуйылған сирлеләр дауалана.
Хәҙер коронавирус статистикаһы. Уҙған тәүлектә республикала ковидтан 14 кеше вафат булған. Пандемия башланғандан алып, үлем осраҡтары 1 мең 159-ға етте. Әле стационарҙа 717 пациент дауалана, уларҙың күбеһе 60 йәштән өлкәндәр. Һуңғы тәүлектә 304 кешелә коронавирус инфекцияһы асыҡланған. Башҡортостанда халыҡты вакциналау дауам итә. Һуңғы тәүлектә прививка яһатыусылар исемлегенә 17 мең 590 кеше өҫтәлгән.
