Көйөргәҙе районы Иҫке Мораптал ауылында “Атайсал” проекты ярҙамында мәктәп төҙөкләндерелгән. Район хакимиәте башлығы урынбаҫары Данил Акилов белдереүенсә, меценат уҡыусыларға ноутбуктар ҙа бүләк иткән.
“Атайсал” проекты Башҡортостан башлығы Радий Хәбировтың башланғысы менән тормошҡа ашырыла. Киләһе айҙа уның һөҙөмтәләре буйынса “Яҡташлыҡ көсө” форумын ойоштороу планлаштырыла. Унда әүҙем меценаттар саҡырыла.
