Йәрмәкәй ауылы янындағы урман шишмәһе төҙөкләндерелгән. Ул “Атайсал” республика программаһы сиктәрендә тормошҡа ашырылған. Хәҙер бында уңайлы ял итеү урыны бар, килеүселәр таҙа шишмә һыуын тәмләй ала. Шишмә буйы сүп-сарҙан таҙартылған, сығанаҡҡа күтәрелер өсөн уңайлы баҫҡыстар ҡуйылған, усаҡ яғыу һәм сүп йыйыу өсөн махсус урындар булдырылған. Төбәктә “Атайсал” программаһы буйынса барлығы 21 проект тормошҡа ашырыла, ти район хакимиәте белгесе Энже Шафикова.
“Атайсал” проекты Башҡортостан башлығы Радий Хәбировтың башланғысы буйынса тормошҡа ашырыла. Киләһе айҙа уның һөҙөмтәләре буйынса “Яҡташлыҡ көсө” форумын ойоштороу планлаштырыла.
