Рәсәйҙең 10-ға яҡын төбәгендә ҡош киҙеүе асыҡланған. 17 хужалыҡта ауырыу теркәлгән. Республика менән күрше булған өлкәләрҙә лә йорт ҡоштарында сир раҫланған. Башҡортостанда һаҡлыҡ саралары көсәйтелде. Кешеләрҙе иғтибарлы булырға саҡырабыҙ, ти Ветеринария идаралығы етәксеһе Азат Йыһаншин.
Йорт ҡоштарында сир билдәләре күҙәтелһә, ветеринария хеҙмәтенә мөрәжәғәт итергә кәрәк. Ҡыҙыу бәйләнеш телефоны: 8-800-77-55-828.
