Учалы ҡалаһында ашығыс медицина ярҙамы сифатын федераль эксперттар баһалай. Рәсәй һаулыҡ һаҡлау министры Михаил Мурашко Һаулыҡ һаҡлау өлкәһен күҙәтеү буйынса хеҙмәткә ошондай бурыс йөкмәтте. Ҡала халҡынан күпләп ялыу-мөрәжәғәттәр килгән. Күптән түгел Белорет һәм Учалы ашығыс ярҙам станциялары берләштерелде. Шунан һуң халыҡ табиптар бригадаһының килеп етеү ваҡыты артыуына зарлана.
