Республика башлығы Радий Хәбиров бөгөн эш сәфәре менән Благовещен ҡалаһында. Ул "Лукоморье" балалар баҡсаһын ҡараны. Мәктәпкәсә учреждение "Демография" милли проектына ярашлы төҙөлгән. Уҙған йылда файҙаланыуға тапшырылған. Баҡса 220 балаға иҫәпләнгән. Ҡала хакимиәтенән хәбәр итеүҙәренсә, Благовещенда балалар баҡсаһына урындар етешмәү проблемаһы тулыһынса тиерлек хәл ителгән.
