Пандемия башланған осорҙан төбәктә яңы инфекция менән сирләүселәр 63 519-ға етте. Бөгөн сирлеләрҙең 634-е, шул иҫәптән 60 йәштән өлкән 418 пациент стационарҙарҙа дауалана. Ауыр хәлдәге 40 кешенең 11-е ИВЛ аппараттарына тоташтырылған. Сирҙе еңелерәк үткәреүсе тағы ла 6 047 кеше амбулатор дауаланыу курсы үтә. Тәүлек эсендә дауаханаларҙан
367 кеше һауығып сыҡҡан, яңы инфекциянан 16 кеше вафат булған. Республикала халыҡты коронавирусҡа ҡаршы вакциналау дауам итә. Бөгөнгә төбәккә 1 656 508 доза вакцина килтерелгән. 1-се компонентты 1 254 427, ике прививканы ла 1 143 941 кеше яһатҡан. Тәүлек эсендә вакцинация пункттарына 8 100 кеше мөрәжәғәт иткән.
Гөлдәриә Йосопова
