Йола буйынса сәхнәгә сығыр алдынан ижади коллектив Арыҫлан Мөбәрәков, Мәжит Ғафури һәм Мостай Кәрим һәйкәлдәренә сәскәләр һалды. Театр репертуары быйы да яңы сәхнә әҫәрҙәренә, юбилей кисәләренә бай булмаҡсы.
Өҫтәүенә коллектив быйыл яңы көстәр менән тулыланған. Мәскәүҙең Михаил Щепкин исемендәге Юғары сәнғәт училищеһын тамамлаған студенттарҙың етәүһе театрға эшкә алынған. Асыҡ һауала ойошторолған театрлаштырылған тамашанан һуң, театр һөйөүселәргә «Ҡыҙ урлау» комедияһы тәҡдим ителде.
Азат Ғәлиуллин
