Өфөлә йәшәүселәрҙең күбеһе йәмәғәт транспортының насар йөрөүенә зарлана. Транспорт һәм юл хужалығы министры Александр Булушев мәсьәләне хәл итеүгә йүнәлтелгән бер нисә ҡарар тураһында белдерҙе.
Үткән ял көндәрендә Өфөлә ихтыяж ҙур булған маршруттар буйынса яңы 60 автобус ебәрелде. Уларға пассажирҙар ағымын иҫәпләү өсөн датчиктар ҡуйылған. Был турала “Башавтотранс” предприятиеһы бүлек етәксеһе Татьяна Зубенко белдерҙе.
Йәмәғәт транспорты пассажирҙарҙы автобустар етмәгән йүнәлештәр буйынса йөрөтәсәк. Был 51, 69, 75, 39, 30 һәм 30К маршруттары.
