Бөгөн Күгәрсен районы Нуҡай ауылында билдәле дәүләт эшмәкәре, Башҡортостандың Баш суды рәйесе Ғәҙелша Ейәнсуринға арналған мемориаль таҡтаташ асылды. Ул мәктәп диуарына беркетелде. Ғәҙелша Ейәнсурин Беренсе донъя һуғышында ҡатнаша. 1929 йылда республиканың Баш суды рәйесе итеп тәғәйенләнә. Әммә оҙаҡ эшләй алмай, нахаҡҡа ғәйепләнеп вазифаһынан бушатыла. 1937 йылда Сталин репрессияһы ҡорбаны була. “Ғәҙелша Ейәнсурин оло шәхес. Уның исемен мәңгеләштереү – изге бурысыбыҙ”, ти Буҫтыбай ауылынан Фәтҡулла Бикбаев.
