Республика Хөкүмәтендә оператив кәңәшмәлә был турала Эшҡыуарлыҡ буйынса дәүләт комитеты рәйесе Нияз Фазылов белдерҙе. Инвестиция проекттары һаны буйынса Благовещен, Ғафури, Ҡырмыҫҡалы һәм Туймазы райондары – алдынғы. Нияз Фазылов әйтеүенсә, быйыл 8 айҙа район һәм ҡалаларҙа 2 меңгә яҡын “Эшҡыуарлыҡ сәғәте” ултырышы ойошторолған.
Әммә бөтә райондарҙа ла бизнес-шерифтар әүҙем эшләмәй. Радий Хәбиров айырым муниципалитеттарҙа эшҡыуарҙар менән эшмәкәрлекте йәнләндерергә ҡушты. Республика Башлығы мәсьәләне тиҙ арала хәл итеү бурысын ҡуйҙы.
