Ололар сирҙе ауыр үткәрә, ти табиптар. Вирустан һаҡланыу өсөн йәмәғәт урындарында битлектә булыу мотлаҡ. Өфөнөң 4-се йоғошло ауырыуҙар дауаханаһы табибы Фәғилә Ҡотлоғужина белдереүенсә, медицина маскаһын дөрөҫ кейеү мөһим.
Республикала битлек режимы үтәлеше тикшерелә. Белгестәр сауҙа нөктәләрен һәм йәмәғәт транспортын ҡарай. Үткән тәүлектә Башҡортостанда 391 кешелә коронавирус раҫланған, 19 кеше вафат булған.
