Белгестәр быны прививкаға килеүселәрҙең аҙ булыуы һәм медицина хеҙмәткәрҙәренең амбулатор звеноны нығытырға ебәрелеүе менән аңлата. Сирлеләр күбәйеү сәбәпле, стационарҙарҙа көсөргәнешлек арта.
Һаулыҡ һаҡлау министрлығынан хәбәр итеүҙәренсә, Өфөлә халыҡты “Торатау” конгресс-холы, “Башҡортостан” лайфстайл үҙәге һәм “Мир” сауҙа үҙәгендәге мобиль нөктәләрҙә ҡабул итәләр. Аҡ халатлылар коронавирусҡа ҡаршы берҙән бер ҡотолоу юлын тик вакциналаныуҙа күрә.
Стәрлетамаҡ инфекция госпиталендә бөгөн урындар юҡ кимәлендә, палаталар пациенттар менән тулы. Реанимацияла ҡырҡ кеше, уларҙың туғыҙы үпкәне яһалма елләтеү аппаратына тоташтырылған.
