Бөгөн Халыҡ-ара тәржемә көнө. Сит телдәрҙе белмәй тороп, икенсе дәүләттәр менән бәйләнеш урынлаштырып булмай. Сит тел белеү конкурентлыҡ һәләтен арттыра. “Хеҙмәт баҙарында бүтән телдә иркен аралашҡан белгестең баһаһы күтәрелә”, - ти эксперттар. Оҫта тәржемәселәргә һәр ваҡыт ихтыяж ҙур, ти филология фәндәре докторы, профессор Рәхим Мерәҫов. Ғалим герман телдәре буйынса ҙур белгестәрҙең береһе иҫәпләнә.
1953 йылда Парижда Халыҡ-ара тәржемәселәр Федерацияһына нигеҙ һалына. Әле ул 70-кә яҡын дәүләттән 100-ҙән ашыу тәржемәселәр ойошмаһын берләштерә.
