Ҡаҙағстанда 17 мең башҡорт йәшәй. Нурсолтан ҡалаһында 1 мең самаһы милләтәшебеҙ төпләнгән. Улар “Аҡбуҙат” этномәҙәни берләшмәһен төҙөгән. Уның рәйесе Урал Аҙнабаев белдереүенсә, ижтимағи ойошма башҡорттарҙы берләштереүсе, рухи тамырҙарҙы онотмаҫҡа ярҙам итеүсе үҙәк булып тора.
Башҡортостан делегацияһының рәсми сәфәре барышында, Радий Хәбиров Ҡаҙағстан башҡорттары менән осрашты. Урал Аҙнабаев белдереүенсә, ул емешле үткән.
“Аҡбуҙат” ойошмаһы 10 октябрҙә йыйын үткәрергә ниәтләй. “Башҡортостандан ҡунаҡтар көтәбеҙ”, тип белдерҙе Урал Аҙнабаев.
