Өлкәндәр вакцина яһатыуҙан баш тарта. Шулай тип белдерҙе беҙҙең радиоға биргән интервьюһында Хәйбулла районы хакимиәте башлығы урынбаҫары Роза Рәсембәтова. Унда эпидемиологик хәл ҡатмарлы ҡала. Пандемия башланғандан алып, 200 кешегә “ковид-19” диагнозы ҡуйылған. “Бөгөн вирус йоҡтороусылар, шулай уҡ пневмония менән ауырыусылар арта”, - тине Роза Рәсембәтова.
Республика Башлығы Радий Хәбиров коронавирусҡа бәйле яңы сикләүҙәр тураһына Указға ҡул ҡуйҙы. Улар бер нисә этаптан тора. Тәүгеһе 4 октябрҙән көсөнә инә. Музей, театр, китапхана, концерт залдары һәм ҙур спорт сараларында халыҡ һанын сикләү ҡарала. Мәҙәниәт һәм спорт ойошмаларына вакцина яһатҡандар ғына индерелә.
