Республикала бөтә мәктәптәрҙе ситтән тороп белем биреүгә күсереү кәрәкмәй. Бөгөн Хөкүмәттә үткән оператив кәңәшмәлә был турала Мәғариф һәм фән министры Айбулат Хажин белдерҙе. “Эпидемиологик хәл ҡатмарлы. Әммә ваҡытында күрелгән саралар ыңғай һөҙөмтә бирҙе”, тине ул.
Республикала коронавирус таралыуға юл ҡуймау маҡсатында, 240 мәктәп, 680-гә яҡын класс карантинға ябылған. Башҡортостан Башлығы Мәғариф һәм фән министрлығына Ҡулланыусылар хоҡуғын күҙәтеү хеҙмәте менән берлектә мәктәптәрҙәге хәлде иғтибар үҙәгендә тоторға ҡушты.
Һаулыҡ һаҡлау министрлығынан хәбәр итеүҙәренсә, уҙған тәүлектә коронавирус йоҡтороусылар исемлегенә 488 кеше өҫтәлгән. 22 кешенең ғүмере өҙөлгән.
