15 октябрҙә илдә халыҡ иҫәбен алыу башлана. Башҡортостан мөһим дәүләт кампанияһын үткәрергә әҙер. Бөгөн был турала Дәүләт статистикаһы федераль хеҙмәтенең республика буйынса территориаль органы етәксеһе Әкрәм Ғәниев белдерҙе. Ул Хөкүмәттә үткән оператив кәңәшмәлә сығыш яһаны. Йәниҫәп алыусы кадрҙар һайланған, улар коронавирустан вакцина яһатҡан, тине ул.
Халыҡ иҫәбен алыу барышында ике мөһим дата иғтибар үҙәгенә алына, тине Әкрәм Ғәниев.
Халыҡ иҫәбен алыу кампанияһында өс юл менән ҡатнашырға була. Иҫәп алыусыны өйҙә ҡабул итергә, участкаға барырға һәм дәүләт хеҙмәттәре порталы аша мәғлүмәт ҡалдырырға мөмкин.
