Ырымбур өлкәһендә Башҡортостандан өс студент ҡыҙҙы үлтереүҙә ғәйепләнеүсегә сикләү сараһы сығарыу буйынса суд ултырышы уҙа. Уға ҡарата 5 енәйәт эше ҡуҙғатылған.
Тәфтиш эксперименты барышында ғәйепләнеүсе ул төндә ни ҡылғанын аңламауын иҫбатлай. Ҡайһы бер мәғлүмәттәр буйынса, Александр Лазарев үҙ ғәйебен таныған. Әммә ҡыҙҙарҙың ата-әсәләренән ғәфү үтенеүҙән баш тартты.
Александр Лазарев енәйәт ҡылыуға ҡыҙҙар үҙҙәре этәрҙе , тип аҡлана. Йәнәһе лә, интим бәйләнеш өсөн аҡса талап иткәндәр. Әммә тәфтишселәр рецидивистың имеш-мимештәр уйлап сығарыуға әүәҫлеген белеп алып, был күрһәткестәрҙе иҫәпкә алмаған. Ҡыҙҙарҙың ата-әсәләре балаларын ҡанһыҙ үлтереүҙә ғәйепләнеүсегә иң юғары яза теләй.
Айнур Кәбиров
