Өс йыл эсендә республикала 37 мәктәп, 48 балалар баҡсаһы төҙөлгән. Был турала бөгөн уҡытыусыларҙы бүләкләү тантанаһында Башҡортостан Башлығы Радий Хәбиров белдерҙе. “Хәҙер мәктәптәрҙе төҙөкләндереү эшенә тотондоҡ”, - тине ул.
Бөгөн грант конкурсы еңеүселәре бүләкләнде. Аҡсалата дәүләт ярҙамы ауылда эшләгән йәш уҡытыусыларға тапшырылды.
Бөгөн республиканың ҡала һәм райондарында эшләгән 10 педагогка “Башҡортостандың атҡаҙанған уҡытыусыһы” тигән маҡтаулы исем тапшырылды.
