Академик, медицина фәндәре докторы, профессор Вил Тимербулатов халыҡты вакцина яһатырға саҡыра. “Прививкаға ҡаршы булыусылар халыҡҡа ҙур зыян килтерә. Коллектив иммунитет булдырыу өсөн мотлаҡ вакцина алыу кәрәк”, - ти ул.
Башҡорт дәүләт медицина университеты ректоры Валентин Павлов белдереүенсә, коронавирустан үлем осраҡтары өлкән йәштәгеләр иҫәбенә арта.
Бөгөн Башҡортостан табиптары Радий Хәбировҡа асыҡ хат менән мөрәжәғәт итте. Дауаханаларҙың баш табиптары 65 йәштән өлкәндәрҙе изоляцияға ебәреүҙе үтенгән. Медицина белгестәре халыҡ араһында коронавирустан вакциналауға ҡаршы булыусыларға ризаһыҙлыҡ белдерә.
