Махсус автомобилдәр федераль бюджет иҫәбенә алынды. Дауахана етәкселәре менән әңгәмәләшкәндә Башҡортостан башлығы ашығыс ярҙам машиналары паркын яңыртыу артабан да дауам итәсәк тип билдәләне.
Радий Хәбиров шулай уҡ табиптарға пандемия осорондағы хеҙмәт фиҙәҡәрлеге өсөн ихлас рәхмәт һүҙҙәрен еткерҙе һәм коронавирусҡа ҡаршы халыҡты вакциналауҙы тиҙләтеүҙең әһәмиәтенә лә туҡталды.
Башҡортостан башлығы ауырыуҙарға ашығыс ярҙам күрһәтеү өсөн кәрәкле барлыҡ ҡорамалдар менән йыһазландырылған машиналарҙы ҡарап сыҡты. Автомобилдәрҙең һәр береһендә дефибрилятор, йөрәк тибешен үлсәү өсөн электр кардиографы, пульсоксиметр һәм башҡа медицина ҡорамалдары урынлаштырылған.
Рафиҡ Әхмәтшин
