“Башҡортостанда спортҡа ҙур иғтибар бирелә. Спорт ярыштары ойоштороу буйынса ҙур тәжрибә тупланған. Беҙ иһә спортты үҫтереү маҡсатында инфраструктура булдырыуҙа ярҙам күрһәтә алабыҙ. Бөгөн республика етәксеһе менән осрашыу барышында Рәсәй Олимпия комитеты президенты Станислав Поздняков шулай тип белдерҙе.
Башҡортостан Башлығы республикала үтәсәк ҙур спорт саралары тураһында һөйләне. Шулай уҡ баш ҡалала волейбол, фехтование һәм көрәш үҙәге төҙөү ниәтен белдерҙе. Райондарҙа спорт объекттары булдырыу буйынса төҙөлөш программаһы менән таныштырҙы.
2 мең 22 метр. Бөгөн Өфөлә Бөтә Рәсәй йәйәү йөрөү көнө уҙғарылды. Спорт фестивале Ағиҙел йылғаһы яры буйында үткәрелде. Унда беҙҙең коллегалар ҙа ҡатнашты. Вадим Лаврентьев репортажы.
