Сауҙа үҙәктәре ишектәре тик коронавирусҡа ҡаршы вакцина эшләткән йәки һуңғы ярты йылда ошо сирҙе үткәреүселәр өсөн генә асыҡ. Республика башлығы указына индерелгән үҙгәрештәр үтәлешен яуаплы органдар контролгә ала. Өфө ҡалаһы Киров районы хакимиәтенең сауҙа бүлеге етәксеһе Ирина Сабитова.
Әлеге көндә сауҙа үҙәктәренән тыш, театр, музей, кинотеатр, мәҙәниәт йорттарына инеү, шулай уҡ ҡала-ара автобустары йәки ҡала яны поезында йөрөү өсөн вакциналау сертификаты йәки медицина белешмәһе талап ителә. 27 октябрҙән социаль, мәҙәни, спорт, һауыҡтырыу ойошмалары, йәмәғәт транспортында ПЦР-тест ҡабул ителмәй, мотлаҡ вакциналау сертификаты булырға тейеш.
