Башҡортостанда "Ауыл биләмәләрен комплекслы үҫтереү" программаһы ғәмәлгә ашырыла. Вице-премьер-Ауыл хужалығы министры Илшат Фазрахманов белдереүенсә, быйыл 48 ғаиләгә торлаҡ шарттарын яҡшыртыуға субсидия бирелгән, тағы 27 ғаиләнең торлаҡ проблемаһын хәл итеү көтөлә. Бынан тыш 17 районда газ һәм һыу торбалары һуҙылған. Әлшәй районы үҙәгендә мәктәп һәм Борай районы үҙәгендә физкультура-һауыҡтырыу комплексы төҙөлә башлаған.
