Ишембайҙа сауҙа үҙәктәренең береһендә коронавирус буйынса хәүефһеҙлек талаптарының береһе лә үтәлмәгән. Махсус комиссия тикшереү уҙғарған, инеү урынында контроль булмауы, кешеләрҙең температураһы ҡаралмауы асыҡланған. Сауҙа йортона битлекһеҙ инеүселәр күп теркәлгән. Эшҡыуарҙар һәм бина хужаһына протоколдар төҙөлгән, улар суд ҡарауына тапшырылған. "Палуба" сауҙа үҙәге әлегә биш тәүлеккә ябылған, суд ҡарары менән өс айға тиклем эшмәкәрлеге туҡтатылыуы мөмкин.
