Сара сиктәрендә совет һалдаттарының ҡәберлектәренән сүп-сар, кипкән ағас ботаҡтары йыйып алынды.
Хәрби кейемдәрҙе эш формаһына алмаштырып, Афғанстан, спецназ ветерандары ҡәберлектәрҙе тәртипкә килтерҙе. Сергиев зыяратында 2 мең ярымдан ашыу Бөйөк Ватан һуғышы ҡаһарманы ерләнгән. Улар 1942-1945 йылдарҙа яҡында ғына асылған госпиталдә дауаланған.
Ҡыҙғанысҡа, ҡаты яраланған һалдаттарҙың барыһы ла иҫән ҡалмай. Сергиев зыяратында илдең төрлө төбәктәре вәкилдәре ерләнгән. Ошо арала Өфөнөң башҡа зыяраттарын да сүп-сарҙан таҙартыу планлаштырылған.
Әлфинә Килдейәрова
