Белгестәр әйтеүенсә, ошо арала мышы, ҡоралай, ҡыр сусҡалары яңы биләмәләргә күсенә башлай. Юл аша сығып барған хайуандар айырыуса төнөн хәүефле. Ҡырағай йәнлектәр күп осраған урындарҙа юлдарға махсус билдәләр ҡуйыла. Автоэксперт Хәлим Әйүпов трассала ошондай участкаларҙа үтә иғтибарлы булырға кәңәш итә.
Йыл башынан Башҡортостан юлдарында хайуандар ҡатнашлығында 18 авария теркәлгән. Уларҙа 10 кешенең ғүмере өҙөлгән, 15 кеше йәрәхәттәр алған.
