Көйөргәҙе районы Яҡут ауылында спорт майҙансығы төҙөлә башланы. Объект “Айыҡ ауыл” республика конкурсында еңгән грант аҡсаһына ҡорола. Яҡут ауылы 2-се урын алып 3 миллион һумға эйә булды. Аҡсаның бер өлөшөнә спорт майҙансығы һәм этноауыл комплексы төҙөргә, шулай уҡ һыу насосы һатып алырға ҡарар ителгән. Көйөргәҙе районы хакимиәте башлығы урынбаҫары Данил Акилов һөйләй.
