Уҙған тәүлектә яңы инфекция вирусы тағы ла 668 кешелә асыҡланған. Әле сирлеләрҙең 1033-ө дауаханаларға һалынған, уларҙың 652-һе – 60 йәш сиген уҙған пациенттар. Ауыр хәлдәге 58 пациенттың 14-е үпкәне яһалма елләтеү аппараттары ярҙамында тын ала. Тәүлек эсендә дауаханаларҙан 648 кеше һауығып сыҡҡан. Үлем статистикаһында 37 яңы осраҡ теркәлгән.
Республикала халыҡҡа коронавирусҡа ҡаршы прививка яһау дауам итә. Бөгөнгә төбәккә барлығы 1 911 248 доза вакцина килтерелгән.
Беренсе компонентты һалдырыусылар 1 479 634, вакцинацияны тулыһынса тамамлаусылар 1 274 766 кешегә еткән. Тәүлек эсендә генә Башҡортостанда 36 886 кеше ковидҡа ҡаршы прививка яһатҡан. Уларҙың 22 561-е медицина учреждениеларына тәүгә мөрәжәғәт иткән.
Гөлдәриә Йосопова
