Илдә иғлан ителгән каникулда халыҡ һаулығын хәстәрләргә тейеш, тигән фекерҙә Дәүләт Думаһы депутаты Римма Үтәшева. Рәсәйҙә коронавирусҡа бәйле хәл ҡатмарлы ҡала. Госпиталдәрҙә ауыр хәлдәге пациенттар һаны арта. Коллектив иммунитет булдырыу өсөн вакцина яһатыу мөһим. “Ялда прививка эшләтегеҙ”, - ти Римма Үтәшева.
Коронавирус инфекцияһы таралыуын сикләү өсөн 30 октябрҙән 7 ноябргәсә ял иғлан ителде. Рәсәй Президенты Владимир Путин белдереүенсә, был көндәрҙә хеҙмәткәрҙәрҙең эш хаҡы һаҡлана.
