Премьер-министр Андрей Назаров үткәргән Хөкүмәт ултырышында 5-7 йәшлек балаларға электричкала йөрөгән өсөн льгота биреү тәртибе ҡаралды. Республикала пенсионер, хеҙмәт ветераны, инвалид, мәктәп уҡыусылары һәм студенттар ҡала яны поезына билетты ярты хаҡҡа ала, 5 йәшкәсә сабыйҙар бушлай йөрөй. Киләһе йылдан 5-7 йәшлек балалар өсөн электричкала 75 процентлыҡ ташлама индерелә.
